იარაღი უნდა გაჩუმდეს, დიპლომატიის ხმა კი, უფრო ხმამაღლა ისმოდეს, რომ ის ყველამ გაიგონოს. „ჰეზბოლა“ 8 ოქტომბრის შემდეგ, ისრაელის ტერიტორიას რაკეტებით ბომბავს – განაცხადა ევროკავშირის საგარეო საქმეთა უმაღლესმა კომისარმა ჟოზეფ ბორელმა, საგანგებოდ გამართულ ვიდეოკონფერენციაზე.
ბორელმა ლიბანში სამხედრო ინტერვენციის თავიდან აცილების აუცილებლობაზე მიუთითა და აღნიშნა, რომ სამხედრო აქტივობა ვითარებას მკვეთრად გააუარესებს.
„იარაღი უნდა გაჩუმდეს, დიპლომატიის ხმა კი, უფრო ხმამაღლა ისმოდეს, რომ ის ყველამ გაიგონოს. „ჰეზბოლა“ 8 ოქტომბრის შემდეგ, ისრაელის ტერიტორიას რაკეტებით ბომბავს. ეს უნდა შეწყდეს. ისრაელისა და ლიბანის სუვერენიტეტი კი გარანტირებული უნდა იყოს. ნებისმიერი სამხედრო ჩარევა სიტუაციას მკვეთრად გააუარესებს, რაც თავიდან უნდა ავიცილოთ“, - აღნიშნა ბორელმა.
