2022 წლის მესამე კვარტალში საქართველოში ჩამოსული და აქ 1 წლის განმავლობაში მცხოვრები პირები საზღვარგარეთ ძირითადად საყიდლების მიზნით წავიდნენ - რეზიდენტი ვიზიტორების შესახებ ინფორმაციას საქართველოს სტატისტიკის ეროვნული სამსახური ავრცელებს.
საქსტატის მონაცემებით, საკვლევ პერიოდში, საყიდლებისთვის ქვეყანა 232,6 ათასმა რეზიდენტმა ვიზიტორმა დატოვა.
მეგობრების ან ნათესავების მოსანახულებლად ქვეყნიდან გავიდა - 115,5 ათასი რეზიდენტი ვიზიტორი;
პროფესიული ან ეკონომიკური საქმიანობისთვის - 82,5 ათასი;
დასვენების, გართობის ან რეკრეაციის მიზნით - 76,8 ათასი;
მკურნალობა, გაჯანსაღებისთვის - 12,1 ათასი;
სხვა მიზნით - 12,4 ათასი.
საერთო ჯამში, 2022 წლის მესამე კვარტალში, სხვა ქვეყნებში ვიზიტი საქართველოს 531,8 ათასმა რეზიდენტმა ვიზიტორმა განახორციელა.
მათგან, ვიზიტორების უმრავლესობა ეწვია თურქეთს - 314,5 ათასი ვიზიტორი და რუსეთს - 79,4 ათასი ვიზიტორი.
