მკვლელობა თბილისში - 26 წლის ახალგაზრდა 72 წლის მეზობლის მკვლელობაშია ბრალდებული
2017-04-21 18:17:53 · ამობეჭდვა

შსს-მ განზრახ მკვლელობის ბრალდებით 26 წლის ახალგაზრდა დააკავა, რომელიც 72 წლის პიროვნების მკვლელობაშია ბრალდებით.

"შსს-ს თბილისის პოლიციის დეპარტამენტის დეტექტივების სამმართველოს და გლდანი-ნაძალადევის სამმართველოს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, 1991 წელს დაბადებული გ.რ. განზრახ მკვლელობის ბრალდებით დააკავეს.

გამოძიებამ დაადგინა, რომ ალკოჰოლის ზემოქმედების ქვეშ მყოფმა ბრალდებულმა თბილისში, ურთიერთშელაპარაკების ნიადაგზე, ასევე ალკოჰოლის ზემოქმედების ქვეშ მყოფ მეზობელს - 1945 წელს დაბადებულ ნ.ზ.-ს თავის საცხოვრებელ სახლში ცივი იარაღის გამოყენებით სასიკვდილო ჭრილობები მიაყენა და შემთხვევის ადგილიდან მიიმალა.

სამართალდამცველებმა გ.რ. მომხდარიდან რამდენიმე დღეში დააკავეს. ბრალდებული ჩადენილ დანაშაულს აღიარებს.

გამოძიება განზრახ მკვლელობის ფაქტზე მიმდინარეობს (საქართველოს სსკ-ის 108-ე მუხლით)." ნათქვამია შსს-ს ინფორმაციაში.







გაზიარება და მოწონება