შავ ზღვაში გემის ჩაძირვის შედეგად დაკარგულთა აქტიური სამაშველო სამუშაოები შეწყდა
2017-04-21 16:19:44 · ამობეჭდვა

შავ ზღვაში გემის ჩაძირვის შედეგად დაკარგულთა აქტიური სამაშველო სამუშაოები, წყლის ტემპერატურისა და ამინდის გამო დასრულდა. საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ინფორმაციით, ეკიპაჟის ერთ-ერთი წევრი საქართველოს მოქალაქე, ბოცმანი - ლაშა ქაჯაია ამ დრომდე დაკარგულად ითვლება.

"2017 წლის 19 აპრილს გამთენიისას შავ ზღვაში პანამის დროშის ქვეშ თურქული კომპანიის Gunes Denizcilik Nakliyat ve Dis Ticaret Limited Sirketi (Gunes Shipping & Trading Company Limited) საკუთრებაში არსებული მცურავი სატვირთო გემი Geroi Arsenala (IMO 8727604) ჩაიძირა, რომლის ბორტზეც ეკიპაჟის 12 წევრი იმყოფებოდა. ეკიპაჟის ერთ-ერთი წევრი საქართველოს მოქალაქე, ბოცმანი - ლაშა ქაჯაია ამ დრომდე დაკარგულად ითვლება. საზღვაო ტრანსპორტის სააგენტო საქართველოს საგარეო საქმეთა სამინისტროსთან ერთად კოორდინირებულად მუშაობს დამატებითი ინფორმაციის დროულად მოსაპოვებლად. საზღვაო ტრანსპორტის სააგენტო აქტიურ კონტაქტზეა როგორც უკრაინისა და რუსეთის ზღვაზე ძებნა გადარჩენის სამსახურებთან, ასევე დაკარგული ლაშა ქაჯაიას ოჯახთან. ჩვენს ხელთ არსებული ბოლო ინფორმაციით, წყლის ტემპერატურისა და ამინდის გათვალისწინებით, აქტიური სამძებრო სამაშველო სამუშაოების ფაზა დასრულებულია“, - ნათქვამია სააგენტოს განცხადებაში.
ძებნა გადარჩენის ოპერაციიების შედეგად გადარჩენილია ეკიპაჟის 1 წევრი (უკრაინის მოქალაქე), ასევე ნაპოვნია სამი მეზღვაურის ცხედარი, რომელთაგან 2 უკრაინის, 1 კი რუსეთის მოქალაქეა.







გაზიარება და მოწონება