2016-09-12 15:49:33
ბიძინა ივანიშვილის წინააღმდეგ აქციის მონაწილეები ოთახში ჩაკეტეს

ბიძინა ივანიშვილმა ქუთაისი ხმაურის ფონზე დატოვა.  იმ შენობის გარეთ, სადაც ივანიშვილი მედიასთან შეხვედრას მართავდა  ოპოზიციის წარმომადგენლები, იპოთეკით დაზარალებულები და სხვა მოქალაქეები შეიკრიბნენ. ისინი ივანიშვილთან შეხვედრას მოითხოვდნენ.

რამდენიმე აქტივისტი შენობაშიც იმყოფებოდა და ბიძინა ივანიშვილს ელოდა. ისინი ოთახში ჩაკეტეს და შეხვედრის შესაძლებლობა არ მისცეს. ქუჩაში მიმდინარე აქციის მონაწილეებმა კი გზა სხვა ავტომანქანას გადაუკეტეს, ყოფილმა პრემიერმა კი ამ დროს თეატრის შენობა დატოვა.

"ოლიგარქი უკანა კარიდან გაიპარა" - აცხადებენ აქციის მონაწილეები. 

საპარლამენტო დედაქალაქში ყოფილმა პრემიერმა რეგიონის ჟურნალისტებთან შეხვედრა გამართა. პრესკონფერენცია მესხიშვილის სახელობის თეატრში იმართებოდა.

ამავე თემაზე