2020-11-20 19:15:18
ჩვენც ამას ვითხოვთ წლებია, ხელისუფლებას მოვუწოდებ დააკმაყოფილოს მძარცველის მოთხოვნები – ნათელაშვილი

ხელისუფლებას მოვუწოდებ დააკმაყოფილოს მძარცველის მოთხოვნები – "ლეიბორისტული პარტიის" ლიდერი შალვა ნათელაშვილი, სოციალურ ქსელში მძარცველის მიერ გავრცელებულ ვიდეო მიმართვას ეხმაურება. 

"ჩვენც ამას ვითხოვთ წლებია

1. აზარტული თამაშების აკრძალვას
2. ბანკებში სესხის წლიური მაქსიმალური ზღვარი 7 პროცენტი
3. პენსიონერებისთვის წამლები ხელმისაწვდომ ფასებში

ხელისუფლებას მოვუწოდებ დააკმაყოფილოს მძარცველის მოთხოვნები." – წერს ნათელაშვილი.

სოციალურ ქსელში ვრცელდება ვიდეომასალა, სადაც მიკროსაფინანსო ორგანიზაცია „ემ ბი სიში“ შეჭრილი სავარაუდო თავდამსხმელი, სამ მოთხოვნას აყენებს.

„ჩემი მოთხოვნა არის, რომ შეიკრიბოს ყველა პარლამენტარი, ვინც იყო არჩევნებამდე, ვინც არჩევნებში იღებს მონაწილეობას და მიიღონ სამი კანონი“, – აცხადებს ვიდეოში სავარაუდო თავდამსხმელი.

რაც შეეხება მოთხოვნებს, ესენია: საქართველოს მასშტაბით აიკრძალოს ყველა სახის აზარტული თამაშები, მათ შორის ონლაინ თამაშებიც; ბანკებმა დააწესონ მაქსიმუმ წლიური მხოლოდ შვიდპროცენტიანი საპროცენტი განაკვეთი; შემცირდეს მედიკამენტებზე ფასები.

ამავე თემაზე