2020-05-22 14:16:36
მივესალმებით შეთანხმებას და ორი ბატონის შეწყალებას, ეს გაბედული ნაბიჯია - ჰუბერტ ქნირში

მივესალმებით შეთანხმებას და ორი ბატონის შეწყალებას, ეს გაბედული ნაბიჯია, – ამის შესახებ საქართველოში გერმანიის ელჩმა, ჰუბერტ ქნირშმა განაცხადა. მისი თქმით, ეს პოლიტიკური პარტიების პასუხისმგებლობაა. ამასთან, ელჩი აღნიშნავს, რომ თუ ადამიანებმა შეთანხმება წაიკითხეს, მისი გაგება ძალიან ადვილია.

„ელჩები მოქმედებდნენ, როგორც ფასილიტატორები. ეს ნიშნავს, რომ ჩვენ შევკრიბეთ მხარეები ერთად. უფრო ადვილი იყო შეხვედრის მაგიდის ირგვლივ ჩატარება, ადგილზე რამდენიმე დიპლომატის დასწრებით. ეს იყო ჩვენი როლი. ჩვენ მივესალმეთ მიღწეულ შეთანხმებას. ასევე ახლახან გამოვაქვეყნეთ განცხადება, სადაც მივესალმეთ ორი ბატონის შეწყალებას პრეზიდენტ ზურაბიშვილის მიერ. ჩვენ ამას მივესალმეთ, როგორც მამაც ნაბიჯს. იქ აღნიშნული იყო, რომ პრეზიდენტს უნდა ესაუბრა ამ საქმეზე და ამ ბატონებზე. ჩვენ ვიმედოვნებთ, რომ 8 მარტის მთელი შეთანხმება შესრულდება პოლიტიკური პარტიების მხრიდან. ეს არის პოლიტიკური პარტიების პასუხისმგებლობა, რამდენადაც მათი უფლებამოსილება ვრცელდება. ყველამ იცის, რომ პოლიტიკურ პარტიებს არ აქვთ უფლებამოსილება სასამართლოზე. თუ ადამიანებმა შეთანხმება წაიკითხეს, ძალიან ადვილია მისი გაგება. გთხოვთ, კიდევ ერთხელ ნახოთ ტექსტი, სადაც ყველა კითხვაზე პასუხი გაცემულია“, – განაცხადა საქართველოში გერმანიის ელჩმა.

ამავე თემაზე