სიახლეები
მთავარი სიახლე
2018-05-17 17:48:38
"ვინც ჩამოვა, აქ პასუხს მიიღებს... ვერავინ ვერ ჩაატარებს ვერც გეი, ვერც მამაძაღლი და ვერც პეტრე აქ ვერაფერს" - მამა ელიზბარი

"დღეს ეს ქუჩა ეკუთვნით მართლმადიდებლებს. რაც მოხდება, პოლიციის ბრალი იქნება,“- ასე მიმართა სამართალდამცველებს დეკანოზმა ელიზბარმა, რომელიც ქაშუეთის ტაძრის მიმდებარედ იმყოფება. მისი თქმით, ამაღლების დღესასწაულზე ლგბტ თემის მხარდამჭერებს აქციის გამართვის უფლებას არ მისცემენ. 

„ეს ქუჩა 12 საათამდე ეკუთვნის ეკლესიას, ქრისტიანულ დღესასწაულს. ვინც ჩამოვა, აქ საპასუხო პასუხს მიიღებს... ვერავინ ვერ ჩაატარებს ვერც გეი, ვერც მამაძაღლი და ვერც პეტრე აქ ვერაფერს, დღეს არის მართლმადიდებლების ზეიმი, 12 საათამდე ვერავინ ვერაფერს ჩაატარებს, 12 საათის შემდეგ რაც უნდათ, ის უქნიათ, თავში ქვა უხლიათ...ის არასამთავრობოები, რომლებიც პროვოკაციას აწყობენ მართლმადიდებლური ეკლესიის წინააღმდეგ, იყენებენ არატრადიციული მიმდევრების ადამიანებს, პროვოკაციაში ჩაერთონ, ესენი უნდა დაისაჯონ. აქ თუ ვინმე მართლმადიდებელს დაიჭერენ, პასუხს აგებენ არატრადიციული მიმდევრების ადამიანები და არასამთავრობოები, რომლებიც წააქეზებენ იმ ერთმუჭა ხალხს, რომელთაც არ ვერჩით, არცერთი მართლმადიდებელი არ ვერჩით არავის, წავიდნენ სადაც უნდათ, იქეიფონ, იზეიმონ, თუნდაც, მთაწმინდაზე, ეს ქუჩა დღეს მართლმადიდებლობას ეკუთვნის,“- განაცხადა მამა ელიზბარმა.

ჰომოფობიისა და ტრანსფობიის საწინააღმდეგო აქცია 19 საათზე, მთავრობის კანცელარიასთან უნდა გაიმართოს. 

ამავე თემაზე