გია კორკოტაშვილი გამოკითხვაზე გადაიყვანეს
2018-05-17 15:45:39 · ამობეჭდვა

გია კორკოტაშვილი და რუსთაველის გამზირზე მასთან ერთად მყოფი რამდენიმე პირი სამართალდამცველებმა გამოკითხვაზე გადაიყვანეს. ინფორმაციას ადასტურებენ შსს-ში. არსებული ინფორმაციით, პოლიციაში იმყოფება გიორგი გაბედავაც.

კორკოტაშვილი და "ქართული იდეა" დღეს მთავრობის კანცელარიასთან აქციას გეგმავენ, რომელიც 17 საათზეა დაანონსებული.

დღესვე, „ოჯახის სიწმინდისა და სიმტკიცის დღესთან“ დაკავშირებული მსვლელობის დროს სამართალდამცველებმა სამი პირი დააკავეს.

მსვლელობის დაწყებამდე კი გამოკითხვის მიზნით პოლიციაში ყავდათ გადაყვანილი ნეოფაშისტური გაერთიანების "ეროვნულ სოციალისტური მოძრაობა - საქართველოს ეროვნული ერთობის" ორი წევრი.





გაზიარება და მოწონება