თუ ვეფხია ბაქრაძე გათავისუფლებამდე ბოლო 6 თვის განმავლობაში, უარყოფითად ხასიათდება, რატომ მივიღეთ 8 თვით ადრე სასჯელაღსრულებიდან დადებითი დახასიათება?
2018-04-16 17:06:19 · ამობეჭდვა

შეწყალების კომისიის თავმჯდომარე ინტერესდება, თუ რატომ მიიღო შეწყალების კომისიამ ვეფხია ბაქრაძესთან დაკავშირებით მის გათავისუფლებამდე 8 თვით ადრე დაადებითი, ხოლო 6 თვით ადრე ე.წ. უდოს კომისიამ - უარყოფითი დახასიათება.

„ჩვენ უდოს კომისიების მუშაობასთან არანაირი შეხება არ გვაქვს. ჩვენ გვაქვს ურთიერთობა სასჯელაღსრულების სამინისტროსთან, რომელიც სასჯელაღსრულების დაწესებულებების დახასიათებას გვიგზავნის. თუ მოვიდა უარყოფითი დახასიათება, ამას პირდაპირ წერს სასჯელაღსრულების დაწესებულება და ასეთი მსჯავრდებულის საქმე საერთოდ არ გადის კომისიაზე. როდესაც პრეზიდენტმა გაუნახევრა სასჯელი ვეფხია ბაქრაძეს და მას საპატიმროდ მოსახდელად დარჩა 7 თვე, მას გაუჩნდა შესაძლებლობა, რომ ყოველ თვე მიემართა ე.წ. უდოს კომისიისთვის. ვეფხია ბაქრაძემ 6-ჯერ მიიღო უარი ე.წ. უდოს კომისიისგან. როგორც საჯაროდ მოვისმინეთ სამინისტროს წარმომადგენლისგან, ისინი ეყრდნობოდნენ უარყოფით დახასიათებას. მაშინ ჩვენც გვიჩნდება კითხვა, თუ უარყოფითად ხასიათდება ეს მსჯავრდებული ბოლო 6 თვის განმავლობაში, 8 თვით ადრე რატომ ხასიათდებოდა დადებითად და რატომ მოგვივიდა ჩვენ ასეთი დასკვნა სასჯელაღსრულების დაწესებულებიდან. ეს განგებ გააკეთეს?“, - განაცხადა ქორიძემ.





გაზიარება და მოწონება

აქცია ერევანში - LIVE
ჟურნალისტ მარიამ ჭელიძეს ჩვენი დახმარება ჭირდება

ანგარიშის ნომერი: GE96TB7722645061600017 მიმღები – მარიკა ჭელიძე