2018-02-13 11:00:37
ვაზიანში საბრძოლო მომზადების ცენტრი მაისში გაიხსნება

ვაზიანში, საბრძოლო მომზადების ცენტრი მიმდინარე წლის მაისში გაიხსნება - ამის შესახებ თავდაცვის მინისტრმა პარლამენტში, საკომიტეტო მოსმენაზე განაცხადა:

”ჩვენ დიდ ყურადღებას ვუთმობთ სამხედრო წვრთნებს და შესაბამის ინფრასტრუქტურას. 2017 წელს 2 მილიონი ლარი მივმართეთ ნატო-საქართველოს ერთობლივი წვრთნებისა და შეფასების ცენტრის ინფრასტრუქტურის გაუმჯობესებისთვის. 18 მილიონი ლარი მივმართეთ ვაზიანში საბრძოლო მომზადების ცენტრის მშენებლობისკენ, რომელიც მზად იქნება უკვე წელს და მაისში ავამოქმედებთ ყველაზე ამბიციურ პროგრამას საქართველოს პარტნიორებთან ერთად - თავდაცვის მზადყოფნის პროგრამას. 3 მილიონი ლარი მივმართეთ საწყისი საბრძოლო მომზადების ცენტრის ინფრასტრუქტურის გაუმჯობესებისკენ”, - განაცხადა ლევან იზორიამ. 

ამავე თემაზე