თიბისი დაზღვევამ ელიავას ბაზრობისთვის მიყენებული ზარალი აანაზღაურა
2017-07-27 13:28:42 · ამობეჭდვა

2 ივლისს, ე.წ. ელიავას ბაზრობაზე გაჩენილი ხანძრის შედეგად მიყენებული ზარალის დიდი ნაწილი, თიბისი დაზღვევამ აანაზღაურა. ელიავას ბაზრობაზე გაჩენილი ხანძრის შედეგად ბაზრობას 62 832 ლარის ოდენობის ზარალი მიადგა, საიდანაც თიბისი დაზღვევამ 52 170 ლარი აანაზღაურა.

ელიავას ბაზრობის ტერიტორიის ნაწილი, კერძოდ 850 კვ.მ ფართზე განლაგებული 30-მდე მაღაზია, რომელიც შპს. „გუჯუჯს“ ეკუთვნოდა, თიბისი დაზღვევაში იყო დაზღვეული.

კომპანიას დაზღვეული ჰქონდა როგორც ქონება, ისე ბიზნესსაქმიანობის შეწყვეტის რისკიც, ამიტომ დაზარალებულს მიყენებული ზარალი მაქსიმალურად აუნაზღაურდა.

შპს „გუჯუჯის“ დაზიანებული შენობის კონსტრუქციული ელემენტების აღდგენის სამუშაოების განხორციელება უკვე დაიწყო და ის სავარაუდოდ 2 კვირაში დასრულდება.

შეგახსენებთ, თიბისი დაზღვევაში ქონების დაზღვევისას, ბიზნესის მფლობელებს შეუძლიათ შენობის კონსტრუქციის, რემონტის და მარაგების დაზღვევა ერთად ან ცალ-ცალკე. ასევე შესაძლებელია საქმიანობის შეფერხებისგან დაზღვევაც. ეს იმ ზარალის ანაზღაურებას გულისხმობს, რაც კომპანიას ქონების განადგურების გამო, საქმიანობის იძულებით შეწყვეტის შედეგად შეიძლება მიადგეს.





გაზიარება და მოწონება