2022-08-04 16:49:53
როდესაც ლომჯარიას ვირჩევდით, არ გვქონდა მოლოდინი, რომ ჩვენიანი იქნებოდა, მაგრამ ნამდვილად არ მეგონა, რომ მიტინგზე დადგებოდა და ტექნიკურ მთავრობას მოითხოვდა – მდინარაძე

როდესაც ნინო ლომჯარიას ვირჩევდით, არ გვქონდა მოლოდინი, რომ ჩვენიანი იქნებოდა, მაგრამ ნამდვილად არ მეგონა, რომ მიტინგზე დადგებოდა და ტექნიკურ მთავრობას მოითხოვდა, – ამის შესახებ ფრაქცია „ქართული ოცნების“ თავმჯდომარე, მამუკა მდინარაძემ განაცხადა.

„გადასარევი პოლიტიკური, რადიკალური საქმიანობა ჩაატარა ნინო ლომჯარიამ, „ნაციონალურ მოძრაობის“ ძალიან მყარი დასაყრდენი და ძალიან კარგი რადიკალური შემტევი იყო საქართველოს წინააღმდეგ ეს ადამიანი. ბოლო პერიოდში განსაკუთრებით, როდესაც ის უშუალოდ ჩაერთო ქვეყნის გადატრიალების, თუ  ხელისუფლების ჩამოშლის მცდელობებში.

როდესაც ლომჯარიას ვირჩევდით, არ გვქონდა მოლოდინი, რომ ის ჩვენიანი იქნებოდა. დემოკრატია ასეთ გადაწყვეტილებას იცნობს, დემოკრატიული გადაწყვეტა იყო ეს. შეიძლება, ბევრ ჩვენგანს არ ეგონა, რომ ის, ასე აშკარად ჩაერთვებოდა „ნაცმოძრაობის“ კამპანიაში ხელისუფლების ჩამოშლის მიზნით, მაგრამ ნამდვილად ვიცოდით, რომ ის ჩვენ მიმართ კრიტიკული იქნებოდა. კრიტიკა აბსოლუტურად მისაღებია. თუნდაც უმწვავესი, სუბიექტური. ამისთვის მზად ვიყავით, მაგრამ პირადად მე, ნამდვილად არ მეგონა, რომ ის მიტინგზე დადგებოდა და ტექნიკური მთავრობის შექმნას მოითხოვდა“,- განაცხადა მდინარაძემ.

ამავე თემაზე