2022-07-01 15:15:42
ხან მოვითმენთ, ხან აღმოჩნდა, რომ ვერ მოვითმინეთ, 10 წელია მოთმინებით ვართ დაკავებული - წულუკიანი წერეთელზე

ადამიანი ხარ და ხანდახან შეიძლება, ვერ მოითმინო - თქვა "საზოგადოებრივი მაუწყებლის" ცნობით,  თეა წულუკიანმა "ტვ პირველის" მფლობელზე, ვატო წერეთელზე თავდასხმის ფაქტთან დაკავშირებით. 

,,ისინი ყველაფერზე არიან წამსვლელები, ამიტომაც თითოეულმა ადამიანმა, განსაკუთრებით პოლიტიკაში მყოფმა პირებმა, რაც არ უნდა ძნელი იყოს, გამოვიჩინოთ მეტი მოთმინება, მაგრამ ჩვენც ადამიანები ვართ და ხან მოვითმენთ, ხან აღმოჩნდა, რომ ვერ მოვითმინეთ. ხან მოვითმენთ არის შემთხვევების 99.9 პროცენტში და  ათი წელია, მოთმინებით ვართ დაკავებული. ადამიანი ხარ და ხანდახან შეიძლება, ვერ მოითმინო. უნდა იყო ძალიან, ძალიან ფრთხილად სახელმწიფო დონეზე, ინდივიდუალურ დონეზე. ვინაიდან ისინი უკვე ჩიხში მოქცეულები არიან, ყველაფერზე წავლენ, რათა როგორმე გამოიწვიონ დესტაბილიზაცია და ალბათ დაგეგმავენ კიდევ მრავალ სხვა მსგავს პროვოკაციას",- თქვა წულუკიანმა.  

 

ამავე თემაზე