2022-07-01 14:30:37
ოხანაშვილმა ამერიკელების თვალწინ არ დაუშვა ღირსების შელახვა გაეტარებინა - რატი იონათამიშვილი

"ქართული ოცნების" დეპუტატი რატი იოანათამიშვილი აშშ-ის საელჩოში მომხდარ ინციდენტს Facebook-ის საკუთარ გვერდზე გამოეხმაურა. მისი თქმით, ამაზე უფრო სიმბოლური ამ დღეებში ვერაფერი მოხდებოდა და ორ მხარეზე სრულიად განსხვავებული ადამიანები დგანან.

"ამაზე უფრო სიმბოლური ამ დღეებში ვერაფერი მოხდებოდა!

ერთ მხარეს - პროვოკატორი, მატყუარა, უმორალო, უთავმოყვარეო, მკვლელი ჭუტა წერეთელი და მეორე მხარეს - წესიერი, საქმიანი, ერუდირებული, ღირსეული კაცი ანრი ოხანაშვილი ევროპული განათლებით, რომელმაც ამერიკელების თვალწინაც არ დაუშვა ღირსების შელახვა გაეტარებინა.

ერთი თბილისში მამის ფულების იმედით ბავშვებს რომ ხოცავდა, მაშინ მეორე, სიმწრით მოპოვებული დაფინანსებით, ევროპაში სწავლობდა და სადოქტოროს იცავდა.

ზუსტად ასეთი განსხვავებაა ნაცებსა და ქართულ ოცნებას შორის.

P. S. ასევე ძალიან სიმბოლურია, რომ ნაცების კიდევ ერთი სახე, ბაჩო ახალაია, რომელიც "პოლიტპატიმრობას" ცდილობდა, სტრასბურგმა გუშინ ისევ ჯალათად დატოვა..!" - წერს იონათამიშვილი.

შეგახსენებთ, რომ შეერთებული შტატების საელჩოში მიმდინარე საზეიმო მიღებაზე დაპირისპირება მოხდა "ქართული ოცნების" დეპუტატებსა და "ტვ პირველის" დამფუძნებელს შორის. ანრი ოხანაშვილის თქმით, მას ვატო წერეთელმა სიტყვიერი შეურაცხყოფა მიაყენა და მძიმე პროვოკაცია მოუწყო. თავად წერეთელი ამბობს, რომ მას ფიზიკურად გაუსწორდნენ დეპუტატები.

ამავე თემაზე