2020-11-16 19:46:57
ნიკოლ ფაშინიანი აცხადებს, რომ თანამდებობის დატოვებას არ აპირებს

სომხეთის პრემიერ-მინისტრი ნიკოლ ფაშინიანი აცხადებს, რომ თანამდებობის დატოვებას არ აპირებს. ინფორმაციას გამოცემა „დოიჩე ველე“ ავრცელებს.

„ჩემს დღის წესრიგში მხოლოდ ერთი საკითხია – ქვეყანაში სტაბილურობის უზრუნველყოფა. ჩემს დღის წესრიგში სხვა საკითხი არ დგას“, – განაცხადა ნიკოლ ფაშინიანმა ჟურნალისტებთან გამართულ შეხვედრაზე.

10 ნოემბერს ნიკოლ ფაშინიანმა მთიან ყარაბაღში საომარი მოქმედებების შეწყვეტა გამოაცხადა. სომხეთის პრემიერის განცხადებით, მან შესაბამის შეთანხმებას ხელი რუსეთისა და აზერბაიჯანის პრეზიდენტებთან ერთად მოაწერა. რუსეთის პრეზიდენტმა, ვლადიმერ პუტინმა განაცხადა, რომ სომხეთი და აზერბაიჯანი მთიან ყარაბაღში რუსი მშვიდობისმყოფელების განლაგებაზე შეთანხმდნენ.

ამავე თემაზე