2020-06-29 12:51:12
გიორგი რურუა პატიმრობაში დატოვეს

თბილისის საქალაქო სასამართლომ არ დააკმაყოფილა გიორგი რურუას ადვოკატების შუამდგომლობა და "მთავარი არხის" მეწილე და თანადამფუძნებელი წინასწარ პატიმრობაში დატოვა.

სწორედ რურუას გათავისუფლებაზე იყო დამოკიდებული, დაუჭერდა თუ არა საპარლამენტო ოპოზიცია მხარს საარჩევნო სისტემის შესახებ საკონსტიტუციო ცვლილებებს, რომელსაც პარლამენტში დღეს მესამე მოსმენით უყრიან კენჭს.

გიორგი რურუას გათავისუფლება ოპოზიციასა და ხელისუფლებას შორის 8 მარტს მიღწეული შეთანხმების ნაწილია. შეთანხმება, რომელსაც მხარეებმა ელჩების ჩართულობით მიაღწიეს, ორნაწილიანია და მოიცავს როგორც საარჩევნო სისტემის ცვლილებას, ასევე პოლიტიკური პატიმრების გათავისუფლებას. ოპოზიცია აცხადებს, რომ გიგი უგულავასა და ირაკლი ოქრუაშვილთან ერთად, შეთანხმების მიხედვით, უნდა გათავისუფლებულიყო გიორგი რურუაც.  

ამავე თემაზე