2020-05-22 14:25:01
სავალუტო ფონდის წევრ 193 ქვეყანას შორის საქართველო ერთადერთია, რომელიც მოსახლეობას ფინანსურად არ დახმარებია - გოცირიძე

სსფ-ის წევრ ქვეყნებს შორის საქართველო ერთადერთია, რომელიც მოსახლეობას ფინანსურად არ დახმარებია - ამის შესახებ განცხადება, ფრაქცია "ნაციონალური მოძრაობის" თავმჯდომარემ რომან გოცირიძემ გააკეთა.

"სავალუტო ფონდი ყოველკვირეულად აქვეყნებს მსოფლიოს 193 ქვეყნისთვის პანდემიის წინააღმდეგ ბრძოლის ღონისძიებებს, რომლებიც სამი ელემენტისგან შედგება - ფისკალური, მონეტარული და ჯანმრთელობის დაცვის კუთხით. იქ საქართველო მსოფლიო ქვეყნებს შორის გამონაკლისია, როგორც ერთადერთი ქვეყანა, სადაც ხვალ გაუქმდება საგანგებო მდგომარეობა და საკუთარ მოქალაქეებს ფინანსური მხარდაჭერის სახით, არ გაუწია არც ერთი თეთრი. შეგიძლიათ დამისახელოთ რომელიმე მეორე სახელმწიფო 193 ქვეყნიდან? ტონგა იყო იმ 6 ქვეყანას შორის რუსეთთან ერთად, რომელმაც დახმარება გაწელა ერთი თვით, ყველა დაეხმარა, ზოგი ორი თვით, ზოგი ერთბაშად და ა.შ. თქვენ ორმაგი ეშმაკობა გაქვთ მოფიქრებული, ოქტომბრამდე ნელ-ნელა საკენკი რომ უყაროთ ხალხს და კიდევ, ოქტომბრამდე ვიღაცა მუშაობას დაიწყებს და როგორც კი ხელფასი დაერიცხება, მას ფულს არ მისცემთ", - განაცხადა რომან გოცირიძემ.

ამავე თემაზე