2020-03-16 18:16:41
უოლ სტრიტზე ვაჭრობა შეჩერდა - ინდექსები 9%-ით დაეცა

ნიუ-იოკრის საფონდო ბირჟაზე ვაჭრობის გახსნისთანავე, ყველა წამყვანი ინდექსი მკვეთრად დაეცა, რასაც ბირჟაზე ვაჭრობის დროებით გაჩერება მოჰყვა. გახსნიდან პირველივე წუთზე S&P500-ის ინდექსი 9.6%-ით დაეცა, რამაც საფონდო ბირჟაზე ვაჭრობის ავარიული გამომრთველი ჩართო - შედეგად, უოლ სტრიტზე ვაჭრობა 15 წუთით შეჩერდა. 

აშშ-ის წამყვანი საფონდო ინდექსების დანაკარგები ასეთია: Dow Jones-ის ინდექსი ვარდნა 9.67%; S&P 500-ის ინდექსი 9.6%-ით შემცირდა, Nasdaq-ის ინდექსი კი 9.32%-ით დაეცა.
ეს უკანასკნელი შვიდი სამუშაო დღის განმავლობაში საფონდო ბირჟაზე ვაჭრობის ავარიულად შეჩერების უკვე მესამე შემთხვევაა, რაც სიხშირის მიხედვით, 2008 წლის ფინანსური კრიზისის შემდეგ უპრეცედენტო მაჩვენებელს წარმოადგენს. 

საფონდო ბირჟაზე ვარდნა ამერიკის ფედერალური სარეზერვო სისტემის (FED) მიერ მიღებულ გადაწყვეტილებას მოჰყვა. შეგახსენებთ, რომ FED-მა კვირას ეკონომიკის სტიმულირებისთვის საპროცენტო განაკვეთების შერბილების გადაწყვეტილება მიიღო.    

 

ამავე თემაზე