2019-10-22 11:08:46
"რუსეთი კლავს, ოცნება კლავს" - აბრეშუმის ფორუმის პარალელურად ოპერასთან აქცია იმართება (ფოტო)

მოძრაობა „ქვეყნის სამსახურში“ ოპერის თეატრის წინ, სადაც „აბრეშუმის გზის ფორუმი“ იმართება, აქციას მართავს. აქციის მონაწილეების განცხადებით, ისინი 20 ივნისის მოვლენებს აპროტესტებენ.

„ჩვენ დავპირდით ბატონ გიორგი გახარიას და მთლიანად მთავრობას, რომ არ გავუტარებდით მათ 20 ივნისის ღამეს და ყველგან შევუქმნიდით დისკომფორტს, სადაც იქნებოდნენ. გუშინ შევიტყვეთ, რომ დღეს ჰქონდათ ფორუმის გახსნა, მოვედით და გვინდა, რომ არა მარტო გიორგი გახარიამ და ხელისუფლების წარმომადგენლებმა, არამედ აქ მოსულმა სტუმრებმაც დაინახონ ჩვენი პროტესტი და გავაგონოთ, რომ ჩვენი მთავრობა არის პრორუსული, გიორგი გახარია არის მოსკოვის კაცი. უბრალოდ ვაპირებთ ხმაურს, რადგან შიგნით შესვლის საშუალება არ გვეძლევა. რაღაც დესტრუქციებს არ ვაპირებთ. გვინდა, ვიხმაუროთ და მივაწვდინოთ ხმა გახარიას და დამსწრე სტუმრებს“, – განაცხადა აქციის ერთ-ერთი მონაწილე.  

საქართველოს პრემიერ-მინისტრის, გიორგი გახარიას პატრონაჟით, „თბილისის აბრეშუმის გზის ფორუმი“ 22-23 ოქტომბერს ტარდება.    


 

ამავე თემაზე