2019-08-06 16:12:43
"ეროვნული ბანკის ვალდებულებაა, რომ ინფლაციის პროცესი მართოს" - თალაკვაძე

ეროვნული ბანკის ვალდებულებაა, რომ ინფლაციის პროცესი მართოს - ამის შესახებ პარლამენტის თავმჯდომარე არჩილ თალაკვაძემ განაცხადა ლარის კურსთან დაკავშირებით. მისი თქმით, მეტი პასუხისმგებლობა მართებს ოპოზიციასაც.

„ჩვენ, როგორც ხელისუფლებას, გვაქვს პასუხისმგებლობა ეს საკითხები ვმართოთ. ამავე დროს, რა თქმა უნდა, პოლიტიკურ ოპოზიციასაც მეტი პასუხისმგებლობა მართებს. როდესაც საბოლოო ჯამში დავინახეთ, რომ არაერთი მოქმედება სამწუხაროდ, ჩვენმა მოწინააღმდეგეებმა და საქართველოსადმი მტრულად განწყობილმა ძალებმა ჩვენი ქვეყნის წინააღმდეგ გამოიყენეს, სამწუხაროდ ეკონომიკას ზიანი ამანაც მიაყენა, რაც ვალუტაზეც აისახა. თუმცა ეროვნულმა ბანკი ჩაერია, რადგან მისი ვალდებულებაა, ინფლაციის პროცესი მართოს. იმედი მაქვს, ჩარევა, რაც მოხდა და რაც შესაძლოა, მომავალშიც აქვს დაგეგმილი ეროვნულ ბანკს, შეძლებს მაქსიმალურად, რომ ეს კურსი ინფლაციაზე არ აისახოს. ჩვენ აუცილებლად მოვახერხებთ, რომ ეს რთული სიტუაცია გადავლახოთ. საქართველოს მომავალს გარედან ვერავინ განსაზღვრავს. ჩვენ აუცილებლად შევძლებთ, რომ ეკონომიკის პოზიტიური ტემპი ბოლომდე გავამყაროთ“, – განაცხადა არჩილ თალაკვაძემ.

ამავე თემაზე