2019-06-14 17:26:08
ახალციხეში მამაკაცმა მეზობლები ნაჯახით დაჭრა - დამნაშავე დაკავებულია

ახალციხის სოფელ ანდაში მამაკაცმა მეზობლები ნაჯახით დაჭრა. მამაკაცს თავდაპირველად ორ მეზობელთან დაპირისპირება მოუვიდა. რის შემდეგაც მან ორი ადამიანი ნაჯახით დაჭრა.

ორივე დაშავებული შუახნის მამაკაცია. დაშავებულები ახალციხის რეფერალურ ჰოსპიტალში გადაიყვანეს. აქედან ერთის მდგომარეობა მძიმეა. ის თბილისში გადაჰყავთ, მეორე კი ახალციხეში რჩება.

შინაგან საქმეთა სამინისტროს სამცხე-ჯავახეთის პოლიციის დეპარტამენტმა ახალციხის მუნიციპალიტეტში, სოფელ ანდაში დამამძიმებელ გარემოებაში ორი ადამიანის განზრახ მკვლელობის მცდელობის ფაქტზე გამოძიება სსკ-ის 19-109-ე მუხლით დაიწყო. სამართალდამცველების მიერ ცხელ კვალზე გატარებული ოპერატიულ სამძებრო და საგამოძიებო ღონისძიებების შედეგად ბრალდებულის სახით დაკავებული იქნა 1977 წელს დაბადებული თ.ი. დანაშაული 16-დან 20 წლამდე, ან უვადო ვადით თავისუფლების აღკვეთას ითვალისწინებს.

„ბრალდებულმა თანასოფლელებს 1963 წელს დაბადებულ გ.ბ.-ს და 1955 წელს დაბადებულ რ.ბ.-ს თავის არეში ბასრი საგნით ჭრილობები მიაყენა.

სამართალდამცველებმა ბრალდებული დანაშაულის ჩადენიდან რამდენიმე საათში დააკავეს. მიმდინარეობს საგამოძიებო მოქმედებები“, – აცხადებენ შსს-ში. 

ამავე თემაზე