2019-06-06 16:21:55
ტრამპი ჩინეთს ტარიფების კიდევ გაზრდით ემუქრება

ირლანდიაში ვიზიტის დროს აშშ პრეზიდენტმა დონალდ ტრამპმა განაცხადა, რომ მზად არის ტარიფები კიდევ 300 მილიარდის ღირებულების ჩინურ საქონელზე გაზარდოს, თუმცა არ დაუზუსტებია როდის აპირებს ამის გაკეთებას. ამ ცნობას „როიტერსი“ ავრცელებს. ამ ორ სახელმწიფოს შორის „სავაჭრო ომი“ მიმდინარეობს და მოლაპარაკებები ამ დაპირისპირების მოსაგვარებლად თითქმის ერთი თვის წინ, 10 მაისს შეწყდა.

ტრამპს ჩინეთის ვაჭრობის სამინისტრომ უპასუხა. „ჩინეთს არ უნდა სავაჭრო ომი, თუმცა არც ეშინია მისი. თუ შეერთებული შტატები განზრახ წავა სიტუაციის გამწვავებაზე, ჩვენ ბოლომდე ვიბრძოლებთ და საპასუხო ნაბიჯებს გადავდგამთ ჩინეთისა და მისი ხალხის ინტერესების დასაცავად“, - განაცხადა ჩინეთის საგარეო უწყების წარმომადგენელმა, გაო ფენგმა.

ამავე თემაზე