2019-05-15 17:35:24
გიორგი ქობულიამ დაადასტურა, რომ არსებობს არაფორმალური მმართველობა - გოცირიძე

გიორგი ქობულიამ დაადასტურა, რომ არსებობს არაფორმალური მმართველობა, – ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ განაცხადა.

„მან ილაპარაკა იმის თაობაზე, რომ ვერ იღებდა გადაწყვეტილებებს და ფაქტობრივად ვერ მართავდა თავის უწყებას, როგორც მინისტრი. დაადასტურა, რომ არსებობს არაფორმალური მმართველობა. ელემენტარული საკადრო გადაწყვეტილებაც კი თვეების განმავლობაში იწელებოდაო“, – აღნიშნა რომან გოცირიძემ.

მისივე თქმით, გიორგი ქობულიამ ჩამოთვალა მრავალი ისეთი პროექტი, რომელიც ფერხდებოდა და სადაც იყო კერძო პირების ინტერესები.

„მთლიანობაში მან თქვა, რომ იყო უცხო სხეული და არ დაემორჩილა იმ თამაშის წესებს, რომელიც არის საქართველოს მთავრობაში და თავიდან არ იყო შეთანხმებული მასთან, რომ მის ნაცვლად გადაწყვეტილებებს მიიღებდნენ არაფორმალური ადამიანები“, – განაცხადა რომან გოცირიძემ.

ამავე თემაზე