2019-05-15 10:43:38
პუტინი და პომპეო სოჭში ერთმანეთს შეხვდნენ

რუსეთის პრეზიდენტი ვლადიმერ პუტინი და აშშ-ის სახელმწიფო მდივანი მაიკ პომპეო ერთმანეთს სოჭში შეხვდნენ.

პუტინმა შეხვედრის დაწყებამდე განაცხადა, რომ აშშ-ის პრეზიდენტისგან ის ორ ქვეყანას შორის ურთიერთობის გაუმჯობესების სურვილს ხედავს. მან შეხვედრაზე აღნიშნა, რომ რუსეთი არ ჩარეულა აშშ-ში გამართულ საპრეზიდენტო არჩევნებში.

შეხვედრის ერთ-ერთი მთავარი თემა ვენესუელაში არსებული კრიზისული სიტუაცია იყო. პომპეომ განაცხადა, რომ დროა, ნიკოლას მადურომ დატოვოს პრეზიდენტის პოსტი და ის მოუწოდებს რუსეთის პრეზიდენტს, შეწყვიტოს მადუროს მხარდაჭერა.

ვლადიმერ პუტინთან შეხვედრამდე მაიკ პომპეო რუსეთის საგარეო საქმეთა მინისტრს, სერგეი ლავროვს შეხვდა.

ამავე თემაზე