გვიან ღამით ბათუმში, ერას მოედანზე სროლა იყო. შსს-ში აცხადებენ, რომ მამაკაცმა, რომელიც ავტომობილით გადაადგილდებოდა, ჰაერში გაისროლა. სამართალდამცველებმა ის ადგილზე გააჩერეს, იარაღი ჩამოართვეს და ექსპერტიზაზე გადააგზავნეს.

ადგილზე გვიან ღამემდე მიმდინარეობდა საგამოძიებო მოქმედებები, მუშაობდნენ ექსპერტ-კრიმინალისტებიც. საქმეზე გამოძიება 236-ე მუხლით მიმდინარეობს, რაც ცეცხლსასროლი იარაღის - მართლსაწინააღმდეგო შეძენა, შენახვა, ტარებას გულისხმობს.