2018-11-09 13:03:36
მმართველი გუნდის დაპირებები ადმინისტრაციული რესურსის გამოყენებასთან ასოცირდება - "გამჭვირვალობა"

წინასაარჩევნოდ მმართველი გუნდის დაპირებები ადმინისტრაციული რესურსის გამოყენებასთან ასოცირდება - ამის შესახებ განცხადებას, სამოქალაქო სექტორის წარმომადგენლები აკეთებენ. "საერთაშორისო გამჭვირვალობამ" კონკრეტული ფაქტები შეისწავლა და დაადგინა, რომ არჩევნების პირველი ტურის შემდეგ საქართველოს ხელისუფლებამ რამდენიმე მაღალბიუჯეტიანი სოციალური პროექტი დააანონსა, მათ შორის, ერთ-ერთი არის სოციალურად დაუცველი ოჯახის არასრულწლოვანი წევრისთვის სოციალური შემწეობის 10 ლარიდან 50 ლარამდე გაზრდა.

არასამთავრობო სექტორი ხელისუფლებას ადმინისტრაციული რესურსის გამოყენებისგან თავის შეკავებისკენ მოუწოდებს.

„არჩევნებამდე მცირე ხნით ადრე არ უნდა მოხდეს მსგავსი ძირითადად სოციალური პროგრამების ინიცირება ხელისუფლების მხრიდან იმიტომ, რომ ეს აღიქმება როგორც ადმინისტრაციული რესურსის გამოყენება საარჩევნოდ და ეს რეალურად, სერიოზულ ზიანს აყენებს საარჩევნო გარემოს, ის ნაკლებად კონკურენტული ხდება და ამით სერიოზულ სარგებელს იღებს სახელისუფლებო პარტია ამიტომ, ეს რეკომენდაცია არ არის მხოლოდ ჩვენი მოგონილი, ეს არის კარგი პრაქტიკა, რომელიც არსებობს საერთაშორისო დონეზე,“ - განაცხადა ნატროშვილმა.

ამავე თემაზე