2018-10-16 09:53:02
სუს-ი და შსს გაუქმდება - სამართალდამცავი ორგანოების ახალი მოდელი

გაერთიანებულმა ოპოზიციამ "ძალა ერთობაშია", სამართალდამცავი ორგანოების სრულიად ახალი მოდელი მოამზადა.საუბარია შსს-სა და უსაფრთხოების სამსახურის გაუქმებაზე. ასევე პროკურატურისთვის საგამოძიებო ფუნქციის ჩამორთმევის შესახებ.  ოპოზიციაში განმარტავენ, რომ მთავარი ფუნქცია უნდა დაეკისროს ანტიკორუფციულ ბიუროს, რომლის შექმნაც ასევე ამ მოდელის განხორციელების შემთხვევაში იგეგემება.

ოპოზიციის წევრები ამბობენ, რომ აირჩიეს და გააერთიანეს ყველაზე წარმატებული კომპონენტები სხვადასხვა ქვეყნების მაგალითზე, რის შედეგადაც შეიმუშავეს მოდელი, რომელიც ჯერ არცერთ ქვეყანაში არ არის რეალიზებული.

„ჩვენ ფორმულაში სუს-ი უქმდება შს სამინისტრო უქმდება პროკურატურას ერთმევა საგამოძიებო უფლებამოსილება იქნება დამოუკიდებელი ანტიკორუფციული ბიურო, დამოუკიდებელი საგამოძიებო ბიურო და რაც მთავარია ხელმძღვანელებს საერთაშორისო ექსპერტთა კომისია აარჩევს და წარუდგენს დასამტკიცებლად ორ ან სამ კანდიდატს,“-აცხადებს გიორგი ვაშაძე.

გაერთიანებული ოპოზიცია ინიციატივას დღეს ქართულ და საერთაშორისო არასამთავრობო ორგანიზაციებს გააცნობს.

ამავე თემაზე