პოლიტიკა
2018-10-12 12:16:17
"შემაძრწუნებელია გარემო, რომელიც დღეს არის"- ზურაბიშვილი ჯორჯ კენტს შეხვდა

"სახელმწიფო მდივნის წარმომადგენელთან ვისაუბრე, რომ პირადი შეურაცხყოფის, დაპირისპირების გარემო ხელს არ უწყობს ამომრჩეველს, გაიგოს, რაზე გააკეთოს არჩევანი"-  სალომე ზურაბიშვილი აშშ-ს სახელმწიფო მდივნის თანაშემწის მოადგილე ჯორჯ კენტს შეხვდა.

როგორც სალომე ზურაბიშვილმა აღნიშნა, შეხვედრაზე საუბარი შეეხო წინასაარჩევნო გარემოს, რომელიც როგორც ზურაბიშვილი ამბობს,  პირადი შეურაცხყოფითა და ლანძღვით გამოირჩევა.

„ვისაუბრეთ საარჩევნო გარემოზე. კიდევ ერთხელ აღვნიშნე, თუ რამდენად შემაძრწუნებელია გარემო, რომელიც დღეს არის. პირადი შეურაცხყოფის, ლანძღვისა და დაპირისპირების გარემო ხელს არ უწყობს, რომ ამომრჩეველმა გაიგოს, რაზე უნდა გააკეთოს არჩევანი, რას სთავაზობენ სხვადასხვა კანდიდატები. ვესაუბრე იმაზე, თუ რას ვთავაზობ ჩემს ამომრჩეველს, რა არის ჩემი კამპანიის თემები, როგორ უნდა შემოვიყვანოთ ევროპა საქართველოში თავისი სტანდარტებით, როგორ უნდა დავუახლოვდეთ ევროპას და იგივე ნატო-ს დღესვე, როგორ უნდა იყოს ეს პრეზიდენტი ქვეყნის გამაერთიანებელი და არა დაპირისპირების კიდევ ერთი წყარო”, – განაცხადა სალომე ზურაბიშვილმა.

ამავე თემაზე
"ამერიკულ მხარეს აინტერესებდა რა გეგმები გვაქვს, თუ ჩვენ ამ არჩევნებს მოვიგებთ"- ვაშაძე ჯორჯ კენტს შეხვდა
2018-10-12 12:21:19