2018-10-11 14:40:44
ყიფიანი იძახის, რომ თურმე აფერისტულ კომბინაციებში ღებულობდა მონაწილეობას... თუ არასწორ ჩვენებას იძლევი, პასუხისმგებლობის საკითხი დგება - ჭიჭინაძე 

დეპუტატი, დავით ჭიჭინაძე „ომეგა ჯგუფის“ საქმეზე გამოქვეყნებულ ახალ ფარული ჩანაწერებს ეხმაურება. 

საქმე ეხება აუდიო ჩანაწერებს, რომელიც გუშინ გავრცელდა და რომლის მიხედვითაც, ბიძინა ივანიშვილთან დაახლოებული ბიზნესმენი ვანო ჩხარტიშვილი, ვლადიმერ პუტინთან შეხვედრას და მიხეილ სააკაშვილის ხელისუფლების დამხობას გეგმავდა. 

„ქართული ოცნების“ ყოფილი წევრი ამბობს, რომ ხელისუფლება რეალურად ვერ აღიქვამს იმ საფრთხეს, რაც ჩანაწერებში არსებულ საუბრებს შეიძლება მოჰყვეს.

დავით ჭიჭინაძე სპორტის ყოფილი მინისტრის, ლევან ყიფიანის პასუხისმგებლობის საკითხის დაყენებაზე ლაპარაკობს.

„რასაც ჩვენ ვუყურებთ, საზოგადოების დაცინვაა. თურმე ზიანს და სპექტაკლებს დგამენ, ამით ვის აშინებდნენ. ხელისუფლება ზოგადად რეალურად არ აღიქვამს იმ საფრთხეებს, რაც შეიძლება ასეთ საუბარს მოჰყვეს. საზოგადოებაში ეს იწვევს ნიჰილიზმს. ხომ გაფრთხილებენ, თუ არასწორ ჩვენებას იძლევი, პასუხისმგებლობის საკითხი დგება. ლევან ყიფიანი მიდის და იძახის, რომ თურმე აფერისტულ კომბინაციებში ღებულობდა მონაწილეობას, ან იმისთვის არის დასასჯელი, რა მნიშვნელობა აქვს, ვის ატყუებ შენ, ან ცრუ ჩვენებისთვის,“- განაცხადა დავით ჭიჭინაძემ.

ამავე თემაზე