ბიზნეს ნიუსი
2018-09-27 15:47:14
ზუგდიდში პროფესიული განათლების შესახებ საინფორმაციო შეხვედრა გაიმართა

საქართველოს სავაჭრო-სამრეწველო პალატის ორგანიზებით, ზუგდიდში სახელმწიფო/კერძო საგანმანათლებლო დაწესებულებებმა   და ადგილობრივმა   ბიზნეს-სექტორმა    პროფესიული განათლების შესახებ იმსჯელეს. ღონისძიება  საქართველოს სავაჭრო-სამრეწველო პალატის გენერალური დირექტორის მოვალეობის შემსრულებელმა, გრიგოლ ბაიბურთმა გახსნა.

შეხვედრისფარგლებში 3 საგანმანათლებლო დაწესებულებების მხრიდან გაკეთდა პროფესიული პროგრამების პრეზენტაციები ბიზნესისთვის. დისკუსიის მონაწილეებმა განიხილეს ასევე კვალიფიციური კადრების მიმართულებით ბიზნეს-სექტორის საჭიროებები.

შეხვედრა საქართველოს პრეზიდენტის სარეზერვო ფონდის მიერ მხარდაჭერილი პროექტის ფარგლებში გაიმართა. აღნიშნული პროექტის მიხედვით  საქართველოს სავაჭრო-სამრეწველო პალატასთან შეიქმნა დუალური პროფესიული განათლების საკოორდინაციო საბჭო, რომლის მიზნებიც საქართველოში სამუშაოზე დაფუძნებული სწავლების პოპულარიზაცია, დუალური პროფესიული განათლების შესახებ საჯარო-კერძო დიალოგის პლატფორმის შექმნა  და  კერძო სექტორსა და  პროფესიულ სასწავლებლებს შორის კოორდინაციის ხელშეწყობაა. საბჭოს წევრები საქართველოს განათლების, მეცნიერების, კულტურისა და სპორტის  სამინისტროს, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, რეგიონული განვითარებისა და ინფრასტრუქტურის სამინისტროს,  ეკონომიკისა და მდგრადი განვითარების სამინისტროს, გარემოს დაცვისა და სოფლის მეურნეობის სამინისტროს,   დარგობრივი  ბიზნეს-ასოციაციებისა და   დონორი ორგანიზაციების წარმომადგენლები, ასევე,  საერთაშორისო და ადგილობრივი ექსპერტები არიან.

ანალოგიური შინაარსის შეხვედრა უკვე შედგა ბათუმში, ქუთაისში  და გორში,  ასევე თვის ბოლომდე იგეგმება საქართველოს სხვა ქალაქებშიც.

ამავე თემაზე