2018-07-11 19:52:30
მხარს ვუჭერთ საქართველოს, უკრაინისა და მოლდოვას ტერიტორიულ მთლიანობას - ნატო-ს სამიტის დეკლარაცია

ნატო-ს ლიდერების მიერ გამოცემულ ნატო-ს სამიტის დეკლარაციაში ნათქვამია, რომ ისინი მხარ უჭერენ საქართველოს, უკრაინისა და მოლდოვას ტერიტორიულ მთლიანობას საერთაშორისოდ აღიარებული საზღვრების ფარგლებში. ნატო-ს ლიდერები ასევე მოუწოდებენ რუსეთს, გააუქმოს აფხაზეთისა და სამხრეთ ოსეთის აღიარება.


" ნატო მოუწოდებს რუსეთს, გაიყვანოს ჯარები ამ სამი ქვეყნიდან. „მტკიცეთ ვგმობთ რუსეთის მიერ ყირიმის ანექსიას, რომელსაც ჩვენ არ ვცნობთ. რუსეთს მოვუწოდებთ, გააუქმოს საქართველოს რეგიონების, აფხაზეთისა და სამხრეთ ოსეთის დამოუკიდებელ სახელმწიფოებად აღიარება, შეასრულოს 2008 წლის 12 აგვისტოს ცეცხლის შეწყვეტის შესახებ შეთანხმება, კონკრეტულად, რუსეთის ჯარების საქართველოდან გაყვანა, შეწყვიტოს ამ რეგიონების მილიტარიზაცია და საზღვრისმაგვარი კონსტრუქციების აგება.

ჩვენ მხარს ვუჭერთ ჩვენი პარტნიორების უფლებას, დამოუკიდებელი არჩევანი გააკეთონ საგარეო და უსაფრთხოების პოლიტიკაზე, რომელზეც გავლენას არ მოახდენს გარე ზეწოლა ან დაძალება. ჩვენ მხარს ვუჭერთ აზერბაიჯანის, სომხეთისა და საქართველოს ტერიტორიულ მთლიანობას და ძალისხმევას, რომელიც მიმართულია სამხრეთ კავკასიაში კონფლიქტების მშვიდობიან გადაჭრაზე”, - ნათქვამია დეკლარაციაში.

 

ამავე თემაზე