"გველოდე ყვარყვარე მოვდივართ, დაგვხვდი და ყველაფერს მიეჩინება თავსი ადგილი"
2018-06-13 19:52:07 · ამობეჭდვა

გველოდე ყვარყვარე, მოვდივართ!..სულ მალე ყველაფერი დამთავრდება - ამ განცხადებით, საქართველოს მესამე პრეზიდენტი პრემიერ კვირიკაშვილის თანამდებობიდან გადადგომას ეხმაურება. "ნაციონალური მოძრაობის" ლიდერი ამბობს, რომ ბიძინა ივანიშვილი ცდილობს შეიცვალოს სახე, თუმცა ეს არ გამოუვა

"გუშინ ივანიშვილმა მოთხოვა კვირიკაშვილს გადადგომა და კვირიკაშვილმა ბატონს უთხრა უარი, მაგრამ როგორც ჩანს საღამოს იხილა კადრები ოცნების აქტივისტების შარდით დამუშავების. ჩაიხედა სარკეში, შეეცოდა თავის სახე. მშვენივრად იცის რომ ივანიშვილი ყველაფრის გამკეთებელია და მის მონებს იმავე პროცედურის ჩატარება არ დაენანებოდათ ...

ეს ბატონყმობა, ეს მონობა უნდა დასრულდეს, სანამდე უნდა ვემონოთ გაუნათლებელ ბნელ, ერთუჯრედიან ოლიგარქს. მერე რა, რომ მილიარდერია და კიდევ იპარავს მილიარდებს. ჩვენ ვართ ამაყი ერი, ეს დამცირება უნდა დასრულდეს. ხალხის თავზე დაწუწვა და შარდის სახეში შესხმა უნდა დასრულდეს და ჩვენ უნდა შევწყვიტოთ ლაპარაკი რომ ეს არის ჟუჟუნა წვიმა.

მინდა ვუთხრა ივანიშვილს, ყვარყვარე, რამდენი სახელიც და გვარიც არ უნდა შეიცვალო, რა სახელიც არ უნდა დაირქვა, რამდენი კანიც არ უნდა გამოიცვალო, პითონი კაა ახლა იცვლის კანს...

ყვარყვარე, აუცილებლად მოგადგება ქართველი ხალხი საკარმიდამოში, აუცილებლად დაიბრუნებს თავის ქონებას, თავის ქვეყანას ნამდვილად არ გაგიშვებს და არ მოგცემს საშუალებას გაიპარო და უკანა კარიდან გახვიდე, როგორც შენი ბოლო პრემიერი, ასე რომ გველოდე ყვარყვარე მოვდივართ, დაგვხვდი და ყველაფერს მიეჩინება თავსი ადგილი.

სულ მალე ყველაფერი დასრულდება. ჩვენ გვრჩება ნახევარი ნაბიჯი. ახლაა საჭირო მობილიზება .ოპოზიციის ერთად დგომა...ქართველ ხალხს უნდა დავუბრუნოთ ჩვენი ქვეყანა,“-განაცხადა მიხეილ სააკაშვილმა.





გაზიარება და მოწონება