სიახლეები
სამართალი
მთავარი სიახლე
2018-04-13 15:49:36
გიორგი ონიანის საქმეზე საპროცესო შეთანხმება მიღწეულია - პროკურორი

გიორგი ონიანის საქმეზე საპროცესო შეთანხმება მიღწეულია, – ამის შესახებ დღევანდელ სასამართლო პროცესზე პროკურორმა ამირან გულუაშვილმა განაცხადა. 

 საპროცესო შეთანხმებასთან დაკავშირებით, დღევანდელ პროცესზე მოსამართლე დაინტერესდა, თუმცა ვიდრე პროკურორი საპროცესო შეთანხმებას დეტალურად გააცნობდა სასამართლოს, ონიანმა პროცესის ნაწილობრივ დახურვა მოითხოვა და განმარტა, რომ მის მიერ გასაკეთებელი განცხადება პირად ინფორმაციას შეიცავდა. მოსამართლემ მსჯავრდებულის შუამდგომლობა დააკმაყოფილა და დღევანდელი სასამართლო პროცესი სააპელაციო სასამართლოში ნაწილობრივ დახურა. 

შეგახსენებთ, რომ ყოფილ სამართალდამცველსა და ადვოკატს, გიორგი ონიანს ბრალი უკანონო დაკავებაში, სამსახურებრივი უფლებამოსილების გადამეტებასა და მტკიცებულებათა ფალსიფიკაციაში ედება. საქალაქო საასმართლომ მას 4 წლითა და 6 თვით თავისუფლების აღკვეთა მიუსაჯა.

 

ამავე თემაზე